DegDega iyo Dadkeena

Ceelaabe

Inta badan dadkeenu waxa ay isku dhaliilaan in aynu nahay dad si sharciga ka baxsan wax u raadiya.Inta qof wax baalmarsan ama iska dhaafey Nidaamkii haddana raba in uu wax Helo ayaa Timaheenaasi ka badan.Ku dhaqanka Sharciga iyo Shuruucda ama Nidaamiyada Haga nolosha Bulshada Ayaa laga hadlaa hase ahaate aan laguba Dhaqmin ama la dhaqan Gelin.Bal haddaba tusaalayaashan u fiirso

“Darawalada baabuurtu Waxa ay ku kacaan Falal badan oo aan aheyn Anshaxa wado marista,Waxa ay galaan meel aan wado aheyn,Waxa ay maraan Jid aan laba Haad aheyn,Waxa ay isku Qaadaan meel aan loogu talo gelin,Waxa ay Jiidhaan ama aaney waxba u heysanin Sharciyada wado marista ama sidoo kale waxa ay si xun ula hadlaan Taraafiga oo aaney uba heysanin Askari Shaqo haya,Maxaa dadkan degdega ugu wacan,Halkee Ayey ku cararyaan,Maxaa dadkan wadada wada socda intooda badan ka dhigey kuwo qof kastaaba in uu hore u socdo Mooye aanu ogoleyn in waxyar la Joojiyo,Maxaa Qeylo dhaceysa,Maxaa Jid xidhmaya,Maxaa Cidhiidhi bilaabmaya,Maxaa gaadhi kasta meel wadada sii xidheysa uu isku qaadayaa,Maxaa sharci iyo Nidaam aan la eegeynin,Xitaa Madaxdii ayaa rabta in ay waddada sida ay doonaan u maraan,Meesha ay doonaan ka baxaan oo iyagu Sharciga burinaaya,Degdega iyo Dadkeena bal u fiirso arimaha wado marista iyo Baabuurta saacadaha qaarkood”.

“Dhinaca kale Dadkeena waxa lagu tilmaama kuwo intooda badani aaney ilaalin kala horeynta iyo safafka laga hirgeliyo goobaha shaqada,Dad badan Ayaa safafka lagu jiro iska indho tira ama jiidha kuwaasi oo raba in ay iyagu ugu horeeyaan,Kuwo hore u yimi,kuwo wakhti danbe socda iwm intaba waxa la rabaa in safka xaga hore laga galo,Khilaaf Ayaa ka bilaabma,Wakhtiyada biyo dhaamiska,Codeynta doorashada ama Shaqooyinka dadka badan intaba safaf dhaadheer Ayaa loo baahan yahay,Dhinaca kale wakhtiyada cunto qeybinta ama caawimada Ayaa safaf loo galaa kuwaasi oo dad badani khalkhaliyaan si ay xaga hore u galaan,Askariga jooga waxba looma Heysto,Dadkana xishoodkii iyo Ixtiraamkii Ayaa ka dhintey oo waxa soo baxey dad wax kasta sida ay iyagu u rabaan ka dhiganaya.Meelaha kale ee Safafka loo galo ama dadka lagu kala wado kala horeynta waxa ka mid ah Cubsitaalada,oo marar badan Dadka qaar ka hormaraan kuwo in badan joogey sababo Jira awgeed ama Qasab ama garasho,Masaajidadana Jimcadaha Nin 12:40 soo Galay Ayaa raba in uu xaga hore Fadhiisto”.

“Maaha intaasi oo Qudha meelaha safafka iyo kala horeynta looga baahan yahay ama la Khaldaa,Waxa Jirta in cidhiidhiga,Buuqa ama saxmada iyo dadku ay marba marka ka danbeysa intii hore ka soo badaneyso,Waxa Jirta in aad la isku sugo ama safaf loo galo meelaha lagu Bixiyo Biilasha ama lacagta ama Xawaaladaha lacagta laga soo qaato oo dad badani ay isugu yimadaan ama taagan yihiin,Sidii loo soo kala horeeyey Ayaa cadaaladu tahay,Meelaha lacag bixinta ama lacag qaadashada waxa ku kulma dad badan oo u baahan nidaam lagu kala wado,Waase Dhibaato in qof Maqiiqan oo aan dadkaba arkeynin inta uu waxa oo dhan iska dhaafo Shaqaalaha toos ula hadlo,Haddii loo dhameeyo waa Weji iyo garasho dadkeena biyo dhigtey,Haddii lagu yidhaahdo Safka xaga danbe ka qabsana waa  Cadaalad lagu wada Farxaayo”.

“Istaanada basaska dadweynaha lacag raaco Ayaa waxa ka taagan Buuq iyo degdeg badan oo la xidhiidha in aad loo kala boobaayo Albaabada basaska kala duwan,30 qof Ayaa raba in ay hal mar Albaabka ka wada galaan,Waxa loo degdegayaa in la helo kursi lagu Fadhiisto,Cidhiidhigaasi waxa ka dhasha Yaab iyo tuugo dadka marar badan Alaabaha kala baxda,Dadkaa iskula Yaaba sida rag iyo dumar aan la isku Arkeynin ee Albaabka la isugu qaadaayo,Marka laga dagaayo Ayaa dhinaca kale qof kastaa rabaa in uu isagu ugu horeey oo mar Ayaa la wada kacayaa gaar ahaan suuuqa”.Tanina waa mid caalamka ka Jirta in dadku ay degdeg ku qaabilaan gaadiidka sida Basaska,Tareenada ama Gelida Diyaaradaha iwm.Dadka oo dhan Ayaa leh dadkii Maxaa samirkii ka qaadey,oo Xitaa meelaha qaar qof yar iyo Mid weyn lagaba yaqaano Ixtiraamka kala sareynta Cimriguna wuu ka baxaa”.

“Masaajida Ayaa degdeg lagu galaa ama degdeg looga baxaa oo Dad  wada yaacaya ama Kabaha si xoog ah u tuurayaa ay iska soo buuxiyaan,Hudheelada cuntada Ayaa waxyar oo kooban oo buuq ah lagaga dhamaadaa degdeg badani ku Jiro,Dalabaadka Maqaaxiyaha Ayaa qof kastaa rabaa in isaga loogu hor  keeno ama la wada Qeylinayaa oo Shaahlaha la wada Qabsanayaa,Sheekooyinkeena Ayaa degdeg badani ku Jiraa ama isku warankeena meelaha qaarkood.u halganka boosas kala duwan iyo Fursadaha hore Ayaa dhamaanteen inagu wada Jira,wakhti danbe kaaley horena ha laguugu dhameeyo Ayaa ina biyo dhigtey,Guriga aan ka soo Baxo 9:15 Daqiiqo Suuqana aan Joogo 9:20 ama Balanta yaanan ka dib dhicin isma Qabaneyso.

“Suuqyada laga adeegto ee buuqa badan Ayaa qof kastaa rabaa in isaga lala hadlo ama loogu hor dhaqaajiyo,Waxaase ka sii daran in Qof wax iibinayaa rabo in dhamaantiin uu idinla hadlo mid kastana iska dhigo in uu u shaqeynaayo si aanu lacagta ula dhaafin”.Dugsiyada waxbarashada ama Jaamacadaha Ayaa wakhtiga Dhamaadka xiisaska qof kastaa rabaa in  uu hore uga boodo albaabka fasalka ama midka hore ee Jaamacada”.

Isku soo wada duub lama soo koobi karo Tusaalayaasha badan ee aad kala soo baxeyso sida dadkeenu ay degdeg ama dhakhso qasab ah wax ugu dhameystaan ama ugu rabaan,kuwo intan ka badana waa la soo helayaa,Ilaalinta nidaamkuna waa mid aynu wada jecelnahay niyadana ku heyno haddana ficilkeenii aan ku Jirin,Waana xaqiiqo Jirta in meelo badan adiga oo dadkii dhibey ama hoosta laga wada karhey aad adigu dadkii ka wada horeysey ama lagu dhameeyey.Wejiga iyo magacuna dadkeena wuu Diley oo qof aad ka soo horeysey Ayaa isaga  lagu sii deynayaa ama lagaaga horeysiinayaa waa madax ama caanimo.Nidaamkase wax dhaama ma Jiro nidaamkaasi Ayaa xitaa madaxda qabanaya oo ay ku sugayaan.Dadbaana marar badan isku faro saara khilaaf ka dhasha kala horeysiinta dadka oo aan si xaq ah u soconin ama iskaga tagaba meesha.

Degdegana inta badan marar badan wuxuu kugu keena dhaawac ama ,Shilal halis ah iwm.Xawaare aan la Qiyaasi karin Ayuu ku dhex socdaa Suuqa,Marka wadadii halbawlaha aheyd loo sameeyey ayey Gadiidkii ku marayaan Xaware intii ka sareeya.Dad wax wada Khaldaaya hadana leh dadkii sharcigii ma ilaalinayaan.Qofku marka uu sharciga  isagu Jebinaayo ma arkaayo hase ahaate marka  qof kale wax uu dhibsado uu ku kaco Ayuu qeylinayaa fartana ku fiiqayaa,Nidaam ma Jiro,Sharci Ma jiro waa maxey dadkani.Walaal Xagee lagu Yaacayaa waa maxey waxan oo gaadhi ahi”Jaadkii Ayaa yimi oo wakhtigan la isma Arko aayarna lama socdo”.oo Walaal dhinaca kale bulshadeenu horta miyaaney aheyn dad kuwa waaweyn ixtiraama ama dadka jilicdasan iska horeysiiya ama u gargaara una baneeyo safafka.

Somaliland Waxay U Baahnatay Anti aircraft fire

Iyo Helicopters Waayo Waa Lagama Maarmaan

Gaashaan_1986@hotmail.com

Rabshadaha Ardeyda, Dagaalada Dugsiga iyo Macalimiinta

Ceelaabe

Dugsiyada Maraykan Ayaad Qaarkood ka maqashaa qof hubeysan oo soo gala Isla markaasina xabado nool ku fura Ardey ama Macalimiin.Ujeededa Qof ardey ahi Falkaasi ugu kici karana waxa loo kala qaada arimo badan oo xitaa mararka qaar ka baxsan Rabshadaha ama Dhaqan xumada ardeyda laga filan karo.Markaad Fasalkiina adiga oo hubeysan oo Raadinaya Ardeydiini ama Macalinkii ku soo dhex dhacdo Maxaad ka Xanaaqdey ee sababay in aad Qorigaasi u soo qaadato.Ma ciyaarbaa,Ma filimaanta aad daawataa,Mise Qoriga Ayaad ku baraneysaa.

Africa Ayaa ugu badan Aduunyada meelaha weli danbeeya isla markaasina Ardeydoodu ay ku kacdo rabshadaha ama dagaalada ku dhex mara wakhtiga dugsiga la joogo ama marka laga baxaba.Dagaaladaasi mararka qaar la isku faro saaro Ayaa ah kuwo u dhaxeeya Ardeyda isku fasalka ah,kuwo kala fasalo duwan ama sidoo kale mararka qaarkood kala dugsi duwan oo siyaabo kala duwan isku gaadhey sida Ciyaar ay wada yeeshaan,Tartan aqooneed ama Ardey Koox dugsi kale ka tirsani ay waxyeelo u geystaan.Inamada Ayuu Dagaalku dhex maraa,Hablaha Ayu dhex maraa,Inamada iyo Hablaha Ayuu ka dhex qarxi Jirey.Waxaan garanayaa iyada oo kuwa dagaalamaya ay dagaalka ka jecel yihiin kuwa daawanaya oo dabka isku sii huriya.Waxaan arki Jirey dad ku heshiiyey in aan la kala qaban ama cid kala qabata aaney Jirin laakiin dad daawanayaa ay Jiraan haddana.

Asia gaar ahaan India waxa bari dhaweyd ka dhacdey in Ardey uu macalimadiisii ku dhex Dilay dugsiga,Wuxuu ahaa ardey u arkayey in Macalimadu ay Faquuqeyso ama isaga gaar u takoorto,Dhinaca kalena wuxuu saluugey Dhibcaha imtixaan ay laheyd,in muddo ahna wuxuu ka fekiri Jirey xaalad ay macalimadiisu ku beertay oo ugu danbeyntii dhaxalsiisey in uu toorey iyada oo fasalka joogto ku weeraro.Waa naxdi Ardey macalimadiisii diley oo ka takhalusey,Waana murugo kale marka laga soo sheego arintani dugsi ay ka baxeen dad badan oo caan ah isla markaasina wadanka u taliya oo ku faana Dugsigii ay yaraantii wax ka soo barteen.

Dugsiyada Dawlada somaliland Ayaan ku arki jirey mararka qaarkood Qaar macalimiinta ka tirsan oo ku dhex dagaalama.Todobaadkii mararka qaar laba ama hal dagaal oo weyn Ayaa dhici jirey inta badana u badnaa dhinaca ardeyda,Dad yaacaya,Buuq iyo Qeylo Ayaa lagu dareeri jirey,Mararna fasaxaada Ayaa la sugi Jirey.Rabashadaha dagaalkuna ilaa wakhtigan waxa ay u badan yihiin Ardeyda dugsiyada Dawlada dhigta.Macalimiintii Ardeyda hortooda isku faro saarteyna sida ay Fasalka u soo geli ama ardeyda dagaalka uga waanin doonaan lama garanaayo.

Dadka Qaraabada isku ah ama walaalaha Ayaa tiro badan mararka qaarkood dagaalada ku sii kiciya ama iskugu taga qof qudha.Hablo  badan Ayaa dhaawacyo halis ah wejiga iska gaadhsiiyey.Qaar badan oo ardeyda ka mid ah Ayaan kala hadhin muddo oo dagaalkoodu sii jiitamaa.Go,aan  ganaax ah,eryid,badal,dhaawac muujin iwm Ayey ardey badani ku muteysataa falalkani oo kale.Waxaanan weli sii xasuusanahay maalin aan Maqley ardey macalinkiisii u soo qaatey Toorey oo dibada ku sugaya.Bakoorad,Gacanta,Toorey,Qalinka,Xagasho,Makiinad iyo Basbaas  ayaa la sheegi jirey oo qaarkoodna hablaha lagu sii sheegi jirey marka dagaal dhaco.

Weligey  hal maalin Ayaa dugsiga waalidkey la ii direy aan ku Jirey dembi Ardey badani siyaabo kala duwan ugu kaceen.Waanse Maqli jirey dad xitaa marka ay wax sameeyaan aan xitaa waalidka u yeedhin.Cadaalad darada iyo Eexashada macalinka ee dhinaca imtixaanada ayaana ardey badan ku keeni  jirtey in ay ku nacaan ama erayo qalafsan ku dhahaan.rag badan Ayaana maanta garanaya inta Jeer ee ay la dagaal galeen koox ay isku asxaab ahaayeen oo dhaawacyo ka soo gaadheen.Aduunyadana waxa laga soo sheegaa Ardey sidii macalinku u qaraacayey  kuba suuxey ama miyir beelay.deg,deg la isku af dhaafo,isla markaasina dagaal ku xigo ayaa badan wakhtiga dhalinyarnimada ama marka ardeyda la yahayba.dad badan ayaana caan ku noqdey kuna dhiiranaa dhinaca dagaaalka sida ardey badani ugu caan ahaayeen Kaalinta koowaad ama waxbarashada derajada laga keeno imtixaanada.

Taxanahan Cusub waxaan kaga hadli doonaa,Rabashadaha iyo Heerarka dugsiyada ay ka soo mareen,Xalintooda iyo wakhtigan aynu ku Jirno halka ay marayaan waana inoo Qoraalka midkan xiga.To be continue………………

La soco………………….

Ceelaabe

Muxaadaro Ku Saabsan Munaafiqiinta – Sheekh Maxamed Cabdi Umal Xafidullah Daawo Video

Denmark Waxsansheegnews Desk

Soomaalida iyo Qosolka

W/Q-Ceelaabe

Suuratu An-Najm  Aayah 43 “Eebe waakan wax ka Qosliya kana oohiya”.Halkaasi waxa aynu kala soo baxeynaa in Qosolku wax Jira uu yahay isla markaasina ku beeran yahay kuna Jiro Dareenada aadamiga.Waxaan kala soo bixi karnaa in Qofku uu qosli karo oo ay Jiraan xaalado iyo Marxalado farxad ah oo Qofka soo Mari kara kuwaasi oo ku keena Qosol ama dhoolacadeyn intaba.Waxa Sunaha ku sugan in qofku wakhtiyada farxada uu Muujin karo dhoolacadeyn iyo qosol aan aad afka loo kala qaadin.Waxa Jirta Xikmad odhaneysa in badan ilaahay ka cabso oo ka baq cadaabkiisa,arintaasi oo qofka ku Yareyn karta qosolka,sidoo kale waxa Isla xikmadani ku sii Jirta qosol oo farax si ku Munaasib ah dhaqanka diinta Islaamka.Waxa Nabi Muxumad (NNKH) laga soo Wariyey in uu Yidhi haddii aad ogaan laheydeen waxaan anigu ogahay in badan ayaad ooyi laheydeen waxyarna waad qosli laheydeen.

dadka ku caan baxay matalida iyo masraxa riwaayadaha qosolka iyo maada leh Ayaa bulshadeena ku dhex Nool.Jilida Riwaayadaha ama Filimaanta qosolka leh ayaa Si gaar ah loo Xiiseeyaa.hal abuurnimada sameynta arimo qosol dadka ku keena ayaa ah mid meelo badan laga Jecel yahay.Barnaamijyo iyo Riwaayado ay qabtaan dad ku Shaqeysta Comedian ayaa Aduunyada ka caan ah.Filimaan taxane ah oo dhacdooyin qosol leh laga Matalay ayaa si Joogto ah loo Daawadaa.Carabta,Hindida,Mareykanka iyo Soomaaliduba waxa ay Leedahay Suugaan badan oo Qosol dadka ka keena.

rag ku caan baxay soo bandhigida iyo muujinta qosolka ayaa soomaalida caan ka ah laguna Tixgeliyaa Shaqadaasi.Abwaano ama rag iyo Dumar loo Dhiibo Riwaayadaha oo ku soo baxay habka dhigista iyo matalida Masraxa ayaa dad badan qosol af kala qaad ah ku keena.ragii riwaayadaha matali jirey qosolkana ku caan baxay ama dadka ka qoslin jirey laguna qori jirey inta  qosolka leh,qaarkood wey dhinteen,qaar kale waa da,xanuunsaneysa,qaarkood Qurbaha ayey u yaaceen halka qaar kale wadanka iska Joogaan.Ragii Jacburka qosolka leh sameyn Jirey ayaa hore u dhintey.reer waqooyiga ayaa ugu badan dadka Qosolka iyo jilidiisa Heysta.Qurbaha iyo wadanka Gudihiisaba waa laga Jecel yahay dadka ku caan baxay Matalida iyo Jilida arimaha Qosolka leh.

Dadka suugaanta Sameeya,Kuwa Wargeyska iyo Jaraa,idka soo saara ama isku soo duba Rida Aflaamta la daawado ayaa Hal abuura Arimo qosol leh, ama Dhacdooyin qofka Istareex ku dhalin kara.Ila qosol lagu uruuriye Buugaag,Qoraalo kale,sheekooyin,wada sheekeysi qosol ku jiro Sawir Kartoon qosol leh iwm ayaa inagu Dhaliya qosol aan kala joogsi laheyn marar badan.Dadka Khudbadaha akhriya ama dadka kala hadla Fagaarayaasha ayaa qaarkood lagu bartay arimo badan oo dadka qosol ku keena aadna loo Jecleysto.Kaftano iyo Sawiro Muqaalo Cartoons ah ayaa Saxaafadu dadka ku Qosol gelisaa.barta Internetka ayaana ah meelo laga heli karo Muqaalo iyo Qoraalo in badan kaa Qoslin kara.

Riyaawadaha goo gooska ah ama gaagaaban iyo Filimaan kooban ayaa wakhtigan badalay Riwaayadihii caanka ahaa.Arimaha nolosha ku cusub iyo Dhacdooyinka Yaabka leh ayaana lagu soo qaataa Jilidaasi.Dadka qaar ayaad Mooda in ay hibo iyo Muqaal ama cod u leeyihiin keenida iyo Sameynta Qosolka.Masraxa ama Ogeysiiska riwaayada marka lagu soo qoro waxa Dhigaaya ……………….. waxa Hubaal ah in dad badani ay iska soo buuxin doonaan Kuraasta.Isku buuqa, warwarka,Murugada nolosha ku Jirta ayaa la iskaga soo saarayaa Qosolka iyo Riwaayadaasi.Jilaaga Qeybta qosolka oo aan kaa qajileynin oo aad Moodo in balwadaha qaar qofka ku keenaan in uu Masraxa isa soo taago ayaa in badan kaa qoslin doona Meelaha loogu talo galay.Arimaha Siyaasada,Badi Jaceylka,Deegaanka,Ganacsiga,Dhoofka,Waxbarashada,Loolanka raga iyo Dumarka ayaa lagu soo qaataa Ila qososha inta badan.

soomaalida dad hadal badan ayaa lagu Tilmaamaa,Dad qeylo badan,Dad qosol badan,Dad kaftan iyo Sheeko badan,Dad wax badan afka iskala gala.Dad Maqaaxida buuq iyo Qeylo ku fadhiya,Dad basaska sheeko iyo qosol ku saaran,Dad guriga,Xafiiska iyo Xitaa Masaajidka aan mar qudha Hadal,qosol iyo sheeko joojin karin.

Jilayaal Cusub oo Arimaha qosolka ah ayaa Soo baxay kuwii horena meelaha qaar badalay,Kuwo Xayeysiiska Ganacsi Meheradaha u sameeya ama Cod ku turjuma luqadaha kale,Sida Aflaanta Hindida soomaaliga laga dhigay ama Musalsalada wakhtigan soomaaliga lagu daawado iwm.Rag iyo Dumar intaba wey noqon karaan dadka Ila qosolka Matalayaa,Hase ahaate raga ayaa kaga badan kuna caan ah Jilitaanka qosolka.

sheekooyin ila qosol ah oo qoran ayaa meelo badan ka buuxa.Aqoon-yahano bulshada ka mid ah Ayaana u leexday dhinaca Qosolka iyo uruurintiisa(Waxaad xasuusan kartaa Diiwaanka qosolka iyo Jamaal) oo ah Musharax Madaxweyne Lacagaha iyo Dhaqaalaha bartay Qosolkana wax ka qoray.Juxaa,Cigaal shidaad etc ayaad Akhrisan kartaa sidoo kale.ila qosol aan  Macno ku fadhiyin iyo arimo been ku saleysan ayaa qosol laga dhex raadin karaa.Waxa kale oo iyaduna Muhiim ah in aad ogaato in Somaalidu ayna isku dhaqan iyo Fan aheyn oo meelo badan xaga arimaha lagu qoslo lagu kala duwanaan karo.Habka jilida iyo Matalida qosolkana waa lagu kala aragti duwan yahay.

Halkan kuma Soo koobi karo Abwaanada ama Jilayaasha Qosolka lagu bartay ama Riwaayadaha caan ku noqday Markaa adigu is Weydii oo Tiro ahaan soo qor.

Qosolka aad afka loo kala qaado,ilaa caloosha laga qoslo,Qeylada badani ku Jirto,aad mararka qaar moodo in qofku suuxey ayaa dad badani leeyihiin inkasta oo diinta islaamku ayna arintaasi inagu dhiirigelin.Dadka lacagta leh wax kasta oo ay Yidhaahdaan waa loo qoslaa.kuwa Xilalka haya ama Siyaasiyiinta wax kasta marka ay Yidhaahdaan waa loo qoslaa.Qosolka Haweenka ayaa sidoo kale ah Mid Xishood laga rabo.Isku soo wada Duub Marna ma soo bixi doonaan rag badala Nimankii ku caan baxay sameynta qosolka wakhtiyadii Dawladii hore iyo Riwaayadihii sida daran dooriga isaga soo dabo dhici Jirey.

Geedi ama socdaalka lagu maro meel lama degaan ah Yaa kaala dabaalan karo aan aheyn Geel ama Awrta.Waa sida aan ku heyno taariikhdeena.Ka hor intaan Diyaaradaha iyo baabuurto soo bixin ama aan la fuulin aaladahan casriga ah,Waxa la isticmaali jirey oo shaqadooda qaban Jirey Xoolaha sida Awrta ama Faraska oo kale.Awrta ama Geela Ayaa ah mid loogu Yeedho safiinatu saxraa.Xoolaha loogu jecel yahay ama lagu faano isla markaasina Taariikhda ilbaxnimada iyo Suugaanta duuga ah intaba ku xardhan Ayaa ah geel oo kaalin muhiim ah kaga Jira Nolosha aadamiga dhinacyo badan marka laga eego.Taariikhda ilbaxnimada carabta ama soo Jireenka carbeed Ayaa awrta ama Geelu ugu suntan yahay meel qaali ah.Dhinaca kale soomaaliga iyo Dadkeenii reer guuraaga ama reer miyiga ahaa Ayaa geel ama Awrta gaar ahaan soo Munaafacaadsadey kuna soo gaadhey noloshan hada lagu Jiro.

Xoolaha nool ee la munaafacaadsado Geel Ayaa ugu magac weyn uguna qaalisan waana mid lagu sheegay Quraanka Abuurtiisa iyo sameyskiisa si dadku ugu fiirsado.Inta badan haddii aad dib u eegto Adeegihii ugu weynaa wakhtiyadii hore sida in reerka lagu raro ama Alaabta lagu qaado,Dadka la saaro,Biyaha lagu soo dhaansado,la qasho oo hilib laga dhigto caanihiisana la cabo Geela Ayuu ahaa.Geelu wuxuu carabta u ahaa xoolaha ay ku safraan kuna qaadaan socdaalada dhaadheer,Socdaalada ganacsi ee la isaga goosho magaalooyinka badan isla markaasina lagu sii maro Saxaraha Ayuu geelu u bixi jirey ama loo kaxeysan Jirey.Tiro awr ah oo aan ka badneyn 10 Ayaa la isku xidhiidhin Jirey.Mararka qaar laba midna Alaabta la saarto midna la fuul ama wax kale lagu qaato Ayaa lagu bixi Jirey.Taariikhda ka qoran Isticmaalka safarada ganacsi ee Awrta ama hayaanka carabtu ku Jirtey Ayaad ka heli karta kana Akhrisan kartaa Google.com markaad baadhato.Sidaasi oo kale Ayey soomaaliduna ugu bixi Jirtey una Kaxeysan Jirtey Awrta  mararka ay Hawlo socdaal oo dhaadheer galayaan.

Hilibka Geela ama caanaha geela iyo sidoo kale Mararka qaar Kaadidiisa oo la inoo sheegay in wax lagu soo daweeyey Ayaa ah dhamaantood waxyaabo la amaano ama lagu sheego dawo wax tar leh.Dagaalada Ayuu kicin Jirey marka geel la kala qaado,Waxaana loo Kaxeysan Jirey Safarada mararka qaarkood aan ka maqneyn xaalad dagaal inkasta oo Farasku kaga fiican yahay Dagaalka.Geel badan oo la kala qaadey ama la kala dhacey Ayaan taariikhda soomaalida ku maqalnaa  ama dagaalo ka Qarxeen.Dhinaca kalena suugaanta sida Gabayada Ayaa inta badan geel lagu amaana ama lagaga hadlaa oo lagu sheegaa Adkeysigiisa iyo waxtarkiisa,waxaana inagu caan ah Raga laxaha sii Dhawrayow dhaqasho waa Geel”.Kaasi oo qudhana maaha hase ahaate waxa jirta suugaan badan oo kale oo geela kaalintiisa lagu sheegay oo dadka suugaanta Yaqaana ay uruuriyaan.

Taariikhda Islaamka Ayuu geelu meel weyn kaga Jirey,Waxaana Jirta in marar badan aynu maqalno in Geela kiisa cascas ay ka Kheyr badan tahay in qof aad ilaahey dartii u soo hadeyso waxna ugu sheegto ama diinta gaadhsiiso,waa Hadalada laga Hayo Rasuulkeena SCW oo ku socdely Ali Binu Abi Daalib RC.Waxaanan Rajeynayaa in 10 Xayawaan ama xoolo iskugu Jira oo Janada galaya ay ku Jirto Hashii  Rasuulku lahaa SCW,.NNKH.

dad badan oo amaana ama taariikhda suugaanta geel ama waxtarkiisa uruuriya oo haya ayaa Bulshadeena ku jira oo ka Diyaariya Barnaamijyo dhaxalgal ah oo la xidhiidha Noocyadiisa,Magacyadiisa iyo Kaalinta waxtarka leh ee uu nolosha u leeyahay,Taariikhdii hore sida uu ugu Jiro,Adkeysigiisa iyo Caafimaadka ku jira ama Daaweynta cunida hilibkiisa ama cabida caanihiisa.Adkeysiga socdaalka 3 bilood ama 2 bilood oo xidhiidh iyo Qatanaanta uu biyaha ka maqanaan karo mudada dheer Ayaana dad badan ay ka doorteen xoolaha intiisa kale.

Qiimaha geela lagu iibiyo ama la kala siisto Ayaana ah mid in badan ka qaalisan kana duwan marka la hor dhigo lo,da ama adhiga kale oo dhan.Waana Xoolo hab loo kaxeeyo,xidho,raro ama loo hago intaba leh laguna tababaro hadba Ujeedooyinka laga leeyahay.

laf dhabar  ayuu u ahaa   ganacsiga iyo Alaabaha la isku dhoofiyo.Cagihiisa ama lugihiisa oo u sameysan si uu ka bixi karo socdaal dheer ama saxaro ah Ayaana u saamaxaya.Geedaha uu cuno ama daaqo oo ah kuwo ka duwan kuwa xoolaha kale cunaan Ayaa yaab leh isla markaasina dhir qoyan oo caleen qoyan leh Ayuu cunaa.Afkiisa Ayaana duwan ka  xoolaha kale.50 cisho ayuu  Jilaalka qadi karaa biyo la,aanWakhtiga kuleylaha 5 cisho biyo la,aan in ka badan kuma jiri karo.Geeluhu marka uu haraadan yahay ee la waraabinaayo heesaha loo qaado Ayaana Xasuus leh.Kuruskiisa Ayaana ah mid Mucjiso ku ah Cunida hilibka oo dhan.Tartanka iyo baratanka loo qabto Awrta Ayaana weli carabaha ka Jira.

80 litir oo biyo ah Ayu halka mar cabi karaa.20 litir oo biyo Ah ayuuna halkii mnt cabayaa.in la dooxo oo laga cabo Biyo calooshiisa ku Jira Ayaana laga sheekeeyaa.Sidkiisa ama inta uu caloosha ku sidaayo ilmaha ayaana dheer.Awrka hore awrka danbe Ayuu socodkiisa leeyahay mid qudha Ayaa hagaya kuwo badan,Geel lagu ilaalinaayo meel ka mid ah caasimada hargeisa oo aan soo Dhinac marey Ayaa igu dhaliyey Qoraalkani.Waxaanan xasuustey beri hore oo mar aan Miyiga Joogey oo aan Awoowgey la Joogey in aan Ayaamo badan geela lisidiisa,Xareyntiisa,iyo Raacidiisaba aan Arki jirey.

abdifataah mahamed ahmed (ceelaabe_10@hotmail.com)

Ma laga yaaba inuu iskuulka bursade uu noqdo meel albaabada loo laabo qalaalase ka bilaabmay awgii

waxaan qalinka u qaaday ee igu kalifay inaan wax ka qoro iskullka waxay tahay  aniga oo ka mida dadka u xogogaala una kgo,aansaday inaan u soo gudbiyo ama u soo bandhigo bulshawaynta reer saaxil ama cid kasta oo danaynaysa iskuulka bursade inay wax ka ogaato ..
waxyaabaha ka ogaday waxa ka mida inay ka jirto ilaa dhawr guruub iyo kal safasho xaga reeraha oo ah wax iskuulka dumin kara colaadna abuuri karta iyo weliba qof jaclaysi .
waxyaabaha dhabta aha ee aan soo ogaaday ee igu noqday u qaadan waaga waxa ka mida

markii la gaadhay wakhtigii fiisidka iskuulka ee form four ka sanadka inay ka bilaabantay labo guruub oo kala ah social iyo science kuwaas oo la doonayay inay labo magaalo u kala baxaan , sababta waxa lahaa maamule ku xigeenka iskuulka isaga oo galaaskii uu foomastarka u ahaa ku yidhi waxaynu tagayna ceerigaabo kuwa kelena boorama ha qabtaan taas macnaheedu yahay in la kala qaybsamo
markii ay socan wayday taasi waxa bilabmay in ardaydii laysku diro, iyada oo la adeegsanayo siyaabo kala khaldan ama caadifaysan ama ardaynimada ka baxsan . waxa dhacday in ardaydii is qabsadaan hawshiina isu badasho reer reer .
waxa laga in la eryo toban arday oo isku reera iyada oo aanay jirin wax loo sababeeyay
waxa ka danbaysay arintii ugu la yaabka badnayd taa oo ka dhacday xaafada moosko oo ahayd inuu alifle galaas soo kaxaysto koox arday ah saxiibo yihiin ayna  wada qabtaan laba ka mida ardaydii la eryay ee tobanka ahaa , halkaasna hawshii uga bilaabantay ,ka dibna ay dhacdaada xun maamulku aanu waxba ka qaban si hufana arday ka mid iskuulka ay dhamaysay wixii dhacay  wasaaraduna ay ogayd waxa dhacay laakiin aanay oo fara galin arinkan
ugu danbayntii waxa bilaabmay hawlo culculus oo daba socda falalkii hore , taas oo ka oo ka dhex dhacday guruubkii inamada wada qabtay iyo kooxo galaasyo kale ah taas oo sababtay dhaawacyo bila xada taas oo ilaa hada  aan la xalin , gaadhayna guud ahaan gobilka iyo maamulka degmadeba welina ka dhex socota ardaydii reer bursade .
hadaba isku soo wada duubo waxa mushkiladaha iska leh oo ardayda  seefta isugu dhiibay waa maamule ku xigeenka iskuulka  taas oo aanan weli ogaanin sababta dhabta ah ee ku kaliftay inuu kala qaybiyo ardayda iskuulka ….

hadaba kula talin lahaa waxgaradka gobolka saaxil bulsha waynta gobolka iyo maamulka degmada berbera inay si qoto dheer ugu kuur galaan xaalada uu iskuulku  ku sugan yahay inta aanay colaadaasi fara badan ardayda dhex taal ………,, “”|||   iyada oo la adeegsanayo wacyi galin iyo walidiinta ardayda

qore    axmed cumar saleeban (((berbera)))

Dadka ka cabanaya Cadaalad daro badanaa,Dadka la dulmaayo ama Dulmi ku kacayaa Badanaa,Dadka garsoor iyo Xaq Waayey,Sharciga iyo Xeerarkana loogu Hiilin waayey badanaa,Dhamaanteen Ayaa ka cabanaya Dhibaatada Garsoorka ka taagan.Cadaalad daro iyo Eexasho ama Laaluush iyo Lacag qaadasho Ayaa lagu kala Jarey Hanti iyo Xoolo dad kale leeyihiin.Miskiin Ayaa misko la fuulo leh Ayey noqotey  Xaajadu,Gacan Macaan iyo Dhaqaale Ayaa la isku dhaafey.Ninka Awooda leh iyo Midka magaca iyo Lacagta leh Ayaa loo Shaqeynayaa loona Dhameynayaa Codsigiisa iyo Wixii uu ku doodaayo,Waxa la duudsiiyey banaankana lagaga tagay Dadkii Danyarta ahaa,Dadkii aan dhaqaalaha buuran heysanin,Dadkii aan Awooda laheyn.

Maxaa Dhul iyo Beero la isku Heystaa,Maxaa Guryo iyo Hantiyo kale la isku mari laayahay ama Maxkamadu war cad ka soo saari laadahay,Maxaa Kiisas 10kii sanno ama 5 sanno ee ugu danbeeyey Maxkamada ka socda ama dhinacna loo Ridi laahayey,Maxaa is daba socod iyo wakhti dheer lagu Jirayaa,Maxaa laga duceysanayaa in aan ilaahey  Maxkamadaha wax kaaga xidhin ama aanad tegin.Maanta ummada somaliland uma sheegaayo halka uu maraayo Garsoorka somaliland,Waxa maxkamadaha ka taagan iyo Dhibaatada ka Jirta oo la wada garanaayo kama Hadlaayo,Kama hadlaayo in shirar iyo Kulamo la isugu Yimaado lagu Gorfeynaayo Arimaha maxkamadaha,Qareenada,Sharciga, iyo Guud ahaan garsoorka wadanka,Kama hadlaayo in Garsoorayaasha la isku badalo,Kama hadlaayo in dadka qaarkood ninkey donaan ay iska Xidhaan Maxkamadna aan la horgeynin,Kama hadlaayo in la duudsiiyey muwaadinka in 48saacadood gudahood maxkamad lagu horgeeyo laguna soo Cadeeyo dembiga loo Heysto.Kama hadlaayo in dad badan oo bulshada ka mid ahi ay rumeysan yihiin in Madaxyo weynta Maxkamadaha heysta ay yihiin kuwo ku shaqeeya Dan iyo Dhaqaale,Kama hadlaayo in dawladu ay gacan kula Jirto aaney Maxkamaduhu ka madax banaaneyn.Kama hadlaayo in la soo sameysto liisas iyo eedo been ah oo aan waxba ka Jirin si qofka loogu Qaado.Kama hadlaayo in dad badan Xuquuqdii hadalka ee ay Xaq u lahaayeen ama Aragtidii shakhsi ee ay Qabeen ay u xidhan yihiin loona heysto ama lagu xidho.Kama hadlaayo Ciqaabta iyo Cadaabaha u danbeeya dadka Xukumaaya Wax aan Xaq aheyn.Kama hadlaayo in aad lacag qaadato si aad ugu doodo ama ugu dhaqdhaqaaqdo eedeysanaha ama qofka la soo eedeeyey.Kama Hadlaayo Dadka subax kasta ku sii socda Maxkamada hadana ka soo Noqda iyaga oo Niyad jabsan.Mana qarinaayo inta yar ee xaqooda loogu soo dhiciyo Maxkamada,Mana diidani in isbedel dhinaca garsoorka ah la wado oo la fahansan yahay Dhibaatada garsoor ee wadanka ka Jirta.

Marka Dastuurka lagu Sheego Mid diinta islaamka waafaqsan,Hadana lagu Dhaqmi waayo,Marka Dastuurka la iskugu soo gabado,hadana la isku dhaco.Marka Madaxdii iyo Dadkii xilka hayey inta ay Dastuurka isla laabeen danahoodana ku qabsadeen aragtidooda iyo sida ay wax u rabaan,Dadkana ku Yidhaahdaan  Dastuurka  ha la dhowro.Marka Xitaa dastuurkii la Yidhi wadankaa loo sameyey la isku xukumi waayo,Maxaad Filaneysaa ama sugeysaa.

Caasimada Hargeisa waxa ka Furan Xafiisyo badan oo arimaha Sharciga khuseeya ama ku hawlgala,Waxa soo badanaya Tirada Nootayooyinka Sharciga ah.Kuwaasi oo Ruqsad ka heysta dawlada isla markaasina aad Moodo in ay leeyihiin urur mideeya ama isku tag ay ku bahoobaan.Suuqyada iyo Gabi ahaan Xaafadahaba waxa ka furan xafiisyadasi,Maxey Qabtaan Nootaayooyinku,Kaalinta iyo Doorka ay ka qaateen Heshiisyada iyo Fulinta Xeerarka nidaamiya kala iibsiga,la kala wareegida iyo Cadeynta Markhaatiyaasha intaba waad ila Aragteen.Guri,Dhul,Beer,Gaadhi,Dacwadaha Markhaatiga wata Qaarkood Ayaad ku Maqashaa in ay ka Shaqeeyaan.

Ujeedada Qoraalkeenan aynu toos u abaarno hadaba,Ku dhaqanka Shareecada Islaamka,Fulinta Dastuurka ilaahey iyo Sunnaha Rasuulkeena NNKH,Halkee Ayaa laga taagan yahay.in la rumeeyo,La aaminsanaado,lana Ogolaado sharcigaasi in la isku xukumo ama lagugu qaado Halkee Ayey dadkeenu ka taagan yihiin.Ma waxa la doonayaa maxkamadaha Mise waxa la rabaa Xafiisyada shareecada Islaamka ee Magaalada ka furan.Mise kolba midka ay ugu badineyso xaqoodana ay ku helayaan ayey doontaan.Diinta waxa xaga Sharciga lagaga Dhaqmaa,Meherka,Furiinka,Dhaxalka iyo Xaq siinta qof dhaawac soo gaadhey,waana sida laga aaminsan yahay in loo tago xafiisyada shareecada islaamka.

Taxanahan oo aan ugu kuurgeli doono Tirada xafiisyada Sharciyada islaamka ee Magaalada ka furan iyo Guud ahaan waxa shaqadoodu tahay iyo Kaalinta ay Bulshada ku Yeesheen Ayaan dib wax uga soo qori doonaa,Dhinaca kalena waxa aan tilmaami doona sida Haayado caalami ahi ay saameyn ugu yeesheen arimaha garsoorka iyo xeerarka maxkamadaha taasi oo sababtey xitaa in aan la dili Karin qof qof diley ama aan laguba dhaqmi Karin Dastuurka iyo Sharciga islaamka midkoodna oo lagu socdo aragti ah hadba sida danta iyo duruufto noqoto ama hadba cida cududa iyo dhaqaalaha leh.Waana arinta keentay in Xitaa dad dil ku xukunaa ay Reerahoodii diidan yihiin in lagu fuliyo sharcigii islaamka,Maxaa yeelay waxa ay og yihiin kuwo hore oo aan lagu fulin laguna daayey Awood qabiil ama beel.

Inta badan Dadkeenu kama Hadlaan Arimaha waxbarashada,Waxaanad Moodaa in Xitaa kuwa Waxbarashada ku Takhasusey aaney inooga tagi Karin Khibradihii iyo Waayo aragnimadii waxbarasho oo Qoran.Waxa Maskaxdeena dagay oo inta badan aan ku Haminaa sidii aan Siyaasada wax uga Qori laheyn ama iyada la inoogu baran lahaa.Hadaan hadaba u soo Noqono Ujeedada Qoraalkan “Ardeydu marka ay wax baraneyso ma waxa ku Badan in ay Wax Fahmaan Mise in ay wax Qeybaan oo ay Dusha ka qabtaan ama Xafidaan iyaga oo aan Xitaa Fahansaneyn.Wey Dhici kartaa in qofku xafido ama Qeybo dushana ka qabto wax uu fahansan yahay una Dhacey,laakiin waxa badan in aan Qeybno mararka qaarkood wax aanad fahansaneyn oo aan Macnahoodu kuuba Dhicin Adiga oo Imtixaan ama xaalado kugu soo socda kaga Diyaar garoobaya.

Waxa la fahmo inta badan lama ilaawo,lamana Dayaco,hase ahaate wixii la Qeybo iyada oo aan la garawsan Macnahooda dhabta ah,Waxa suurta gal ah in la ilaawo ama uu meesha dhakhso uga baxo.In aad si niyad ah ama Fahan Maskaxeed iyo Qalbiga oo aad u raarido wax ku Akhrido waa ta ku dhaxalsiineysa in aad kalsooni buuxda ka qaado waxaasi in aad fahantay marka aad akhrido,Waana marka aad dad badan oo kale u sheegi karto ugana faa,ideyn doonto wixii aad fahantay isla markaasina Macnahooda la soo baxdey.

in aynu Dusha wax ka qabano ama Xafidnaa iyaduna maaha mid meesha ka baxeysa,hase ahaate Waxa ka muhiimsan in aad wax fahanto iskuna diyaariso in aad adigu qorto  wixii aad fahantay Mustaqbalka.Arintaasi waxa ay ku xidhan tahay hadba sida ay u dhisan tahay qofka Luqadaasi uu wax ku gudbinaayo ama wax ku qoraayo si uu aragtiyihiisa la xidhiidha wixii uu ka fahmay casharada ugu qoro mid isaga u gaar ah laakiin quseysa wixii la dhigay uun.Dad baa wax kasta dusha ka qabta,kuna Xiiqa isla markaasina wakhtiyada Imtixaanada sidii uun u qora ay ku soo xafideen,Buugaag dhan iyo Qodobo badan oo english ah ama hadalo ku Jira casharada Ayaa la xafidayaa la iskana Dhageystaa loona qoraa sidii ay ahaayeen marka imtixaanka la soo Fadhiisto.Ardeyna inta uu soo Akhristo soona Fahmo Ayuu isku dayaa in uu Aragti ku saleysan Luqadiisa ka dhiibto Su,aalaha la weydiiyey mana soo Xafido Englishka ku qoran Buuga uu heysto.

Tartanka Dhibcaha iyo Darajada imtixaanada ayaa keeneysa in aad xafido wax badan si aanad imtixaanka ugu dhicin.Xasuusta Maskaxdeenu waa Awood badan tahay,waxna wey heyn karta,Midkee kula haboon in aad maskaxda uga faa,ideysato in ay fahanto kadibna qorto iyo in ay xafido ka dibna qorto marka danbe kala ilawdo oo wixii muddo yar oo gaaban kaga baxo.Maxaad wax akhridey ama Xafidey oo beryo Qeybsanaan Jirtey laakin maanta maskaxdaada ka baxey,Maxaadse wax fahantay oo hadana ilaa Maanta aad heysaa.Wakhtiyada imtixaanka keliya in aan wax Akhrino ama wax ku Qeybno kuna diyaar garowno 7 cisho ardeyna maalin kasta casharka isha mariyo ama iska sii Akhriyo Maxey ka turjumeysaa.

Quraanka Ayaa ka mid ah waxyaabaha la xafido una baahan in aad Dusha ka qabato,Hadana muddo yar gudaheed lagu ilaawo hadii aan la daba socon oo aan laga war heynin.Waa suurta gal in Tafsiirka aayadaha aad fahantey aanadi ilaawin,waxaase dhaceysa in aad soo Qabanweydo isla aayadii ama suuuradii lagaa rabey,Maxaa Yeelay wax kasta oo la xafido oo aan Akhris joogto ah lagu heynin wuu baxsanayaa.Qaacidooyinka Xiisaabaadka iyo Sayniska Ayaana ah kuwo inta badan in la xafido ama la soo qorto ka hor Imtixaanadana loo baahdo.

Macalinka ayey tahay in uu Ardeyda Kalsooni ku beero la Xidhiidha Habka Jawaabaha iyo Imtixaanada.Marka Jaamacada lagu Jiro iyo marka dugsiyada hoose/dhexe/sare lagu jiro waa in ay Jirtaa kala duwaansho xaga Imtixaanka ah ama Qorida ah.Dugsiyada Hoose/Dhexe Ardeygu Keliya wuxuu ku badbaadayaa in uu Xafido dushana ka soo qabto casharada,Qaacidooyinka,Qodobada iyo Gabayada soomaali.In aad fahantaa waa in aad horumarisey Maskaxdaada laakin in aad Qeybtaa waa in aad Cusleysey.

in Qofka laga dhageysto laguna Qaraaco usha ama Cabsi uu dusha uga qabto Ayaana ka Jirta Malcaamadaha ama Madarisadaha iyo meelo kaleba.Intii ka horeysey daabacada buugaagta ama Internetkana waxa loo badnaa dadka wax xafida,hase ahaate casrigan aad bey dadka ugu adag tahay in ay wax qeybaan ama xafidaan.Wakhtiga yaraanta ama caruurnimadana waxa labada fiican in aad wax xafido.Magacyada,Magaalo,Address,Lambar Mobile etc Ayaa xitaa xafidid kaaga baahan.In aad degdeg u sheegto waa faa,idada wax Qeybida.in aad Fahantaana waxa ay kaa dhigeysaa in aad adigu hal  abuure noqoto Wax iskii u qori kara isaga oo Isticmaalaya erayo u gaar ah oo uu ku sharaxaayo wixii la weydiiyey.

waxbarashadu maaha in aad wax kasta xafido,Waa Jid dheer oo xafidid iyo Fahan intaba ku Jiro,Laakiin fahanka ayey iskugu biyo Shubaneysaa.Aniguba beri Ayaa Jirtey aan wax xafidi jirey,laakin maanta waxa aan ahey  dadka taageersan in aad fahanto wixii laguu Dhigey Meelo badan oo aanad wada Xafidin.Qodobada Muhiimka ah,Xeerarka iyo Sharciyada lagamamaarmaanka ah,Erayada Luqada Englishka ama Naxwaha luqada,Cilmiga barashada Computer oo u baahan in aad Xasuusnaato Menu kaladuwan Ayaa ah waxyaabaha ay tahay in aynu Xafidno ama Xasuusteena ku Heyno oo aaney marna ka bixin.Waa wax la ilaawo kana baxsada Maskaxda oo uu baahan in in badan lagu celceliyo  Dhinaca Fahanka,Akhriska iyo Xafidida intaba.

Isku soo wada duub Waxbarashada ku saleysan in Ardeygu wax Soo xafido ama casharka dusha ka hayaa waa Mid Jirta,Macalimiin badan Ayaana ardeyda ka dhageysta kuna Qaraaca wixii ay u dhigeen marka ay ka wayaan,Kuwaasi oo Imtixaanadana wixii Dusha ay ka Xafideen raba in ay Qoraan.Fahanka iyo Tijaabada Ardeyga ee ku saleysan in uu Luqadiisa ku qoro wixii uu fahmeyna waa Mida aynu u socono.Furaha Fahanka iyo Qorida Casharkii aad barateyna waxa kuu haya hadba inta aad ka taqaano kana qori karto Luqada waxbarashada aad ku dhigato si Macalinku u fahmo Aragtidaada ku saleysan Jawaabta aad ka bixineyso Su,aasha lagu weydiiyey.

bısmılaah wasalatu calaa rasulılaah wabacdu

 barnamıjkan oon ugu magacdarnay (WAX KABARO SOMALIDA KUNOOL WADANKAN TURKIGA )

Run ahaantı waxaan odhan karnaa barnamıjkan waa barnaamıj ay ın badan oo somlı ah ay naawılayso madaxooga ku jırto lakın qısadıısu udhımantahy .Waxaan odhan karkaan Wadan turkıgu waa wadan aad u xadarısan runtıı lakuna tılmaamo wadamada ugu taarııkhda dheer .hadan ugudubno Soomalıda ku nool wadankan Turkıga waxay ku joogaan dhow Wajı .

1.Wajıga kowaad waa Ardaynımo oo ah arday jamcado kadhıgata ama ıllaahıyaad oo ah dugsı sare ookale

2.Dad ıskadagan oo daganasho ku haysta aan ardayna ahayn Qoxotına ahayn oo kayımı yurub sı ubadkooda dhaqanka muslınka ay ugu bartaan madam uu yahy wadan muslına

3.Qoxootınımo ıyagoo kaheya magan galyo UNHCR ahaan ah waana dadka ugu badan wadankan soomalı ahaan marka lo eego wadamada Afrıca dadka Qoxootıga kujoga.

4.Dadad uyımada ınay kasıbaxaan (TAHRIIBAYAAL)oo sııdhafa xaga ıyo yurub ıllahyna ufudeeyo safarkodaa

1,hadaan ku horayno Ardaynımada barıgı Dowladı Sıyaad Bare ayaa ugu danabysay wax Ardaya oo Dowlada Somalıa ah oo Waxbarasho u yımada Wadankan markı ay burburty dowladı somalıyeed kadıb wax Ardaya oo ka  faaıdaysty way yartahy oo kahelay Schoolar shıpka ookale .

Dawladı SHeıkh Sharif Sheikh Ahmed Ayaa waxay bilowday saxibtinimo labada Dowladooda Run ahaatıına aya fursad u heleen dhamaan arrdayda somalıyeed uga faiidaysteen fursad waxbasho.

2, Hadan ku xijıno Dadka dagaansho kujooga oo haysta dhalsho yurub ah una yımaada ubadkooda siday uga soodheryaan diinta masixiiga ah waxaan lenahy iınbadan oo somali ah illahy ha usoo hadeeyo ubadkooda

3, Qoxootınamada umada soomalıyede ku jogta waxaa lagu qıyasaa runtıı ana lahubın qıyaas ahaan 5000 qıyaas ahaan ınay kayar yina wadhacda inay dhafaana way dhacdaa runtii Dadkan oo ku kala nol dhamaan Wadanka Gobaldıısa Ayna ku qorto UNHCRTU sı ay ugu ogadaan mesha xaladısa cafımad ıyo magan galya ahaanba

Markaa hadaan ıftıımıno sıday unool yıhıın Somalıdan Qoxootıga ku ah Wadankan ?

Kalasoco qaybaha danbe( Waxsansheeg.com)

BRO SIDIQ WA ISO GADHY FARINTADI AADNA WAAD UMAHAD SAN TAHTHAY BRO WAANA DADAALAYAA WALAL WAXAANAN ISKU DAYAYAA HADAY ISOORO GASHO BARNAAMIJKAN AAKU SO DIRAY INAN LIVE AHAN KASO DHIGO HADU ILLAHY IDMO.SCK